Joomla Templates and Joomla Extensions by JoomlaVision.Com
banner
banner
banner
banner

Türk Tələbələr GYF-də Bir Araya Gəldi

Bu gün Türkiyə Cümhuriyyəti Bakı Böyükelçiliyinin təhsil müşaviri Mahmut Ağırmanın dəvəti ilə Azərbaycanda fərqli universitetlərdə  təhsil alan və sosial fəaliyyətlərdə aktiv olan türk tələbələr Gəncliyə Yardım Fondunda bir araya gəlib.…
Davamını oxu...

Rizənin Ardeşen Bələdiyyəsinin Nümayəndə Heyəti GYF-nin qonağı olub

Bu gün Azərbaycanda səfərdə olan Türkiyə Cümhuriyyətindən gəlmiş Rize/Ardeşen Bələdiyyəsinin sədri Hakan Gültekinin rəhbərlik etdiyi nümayəndə heyəti Gəncliyə Yardım Fondunun qonağı olub. Qonaqlar Gəncliyə Yardım Fondunun ‎prezidenti Ahmet Tecim və…
Davamını oxu...

‎“100 İllik Əmanət” Layihəsi Uğurla Davam Edir

Qardaşlıq Dastanı və Nuru Paşa Kitabı Şagirdlərə Təqdim Edildi. Gəncliyə Yardım Fondunun təşkilatçılığı ilə həyata keçirilən, “100 İllik Əmanət” layihəsi çərçivəsində Bakıda yerləşən orta məktəblərdə Qafqaz İslam Ordusunun 100 illiyinə…
Davamını oxu...

Bir Uşağın da Xəyalı Gerçək Oldu

04.10.2018-ci il tarixində Gəncliyə Yardım Fondunun nümayəndə heyəti Bakının Nəsimi rayonunda əlilliyi olan Məmmədov Samir Zaur  oğlunu ziyarət edib.
Davamını oxu...

Tədris Korpusumuz Yenilənərək Tələbələrin İstifadəsinə Verildi

Gəncliyə Yardım Fondunun Mərkəz binasında fəaliyyət göstərən GYF Dil Kurslarının sinif otaqları Türk İşbirliyi və Kordinasya Agentliyi Nazirliyinin (TİKA) dəstəyi ilə müasir dizayna uyğun olaraq təmir edilib və ən müasir  texnoloji qurğularla təchiz edilərək  kurslardan istifadə edən tələbələrin istifadəsinə verilib. Binanın təmirdən sonrakı açılış mərasimində TİKA Orta Asiya və Qafqaz Bölgəsinin Başqanı Ali Özgün Öztürk, TİKA Bakı Koordinatoru Adem Urfa, Gəncliyə Yardım Fondunun prezidenti Ahmet Tecim, Milli QHT Forumunun prezidenti Rauf Zeyni, Türkiyə mətbuatının əməkdaşları, dövlət və qeyri-hökümət nümayəndələri iştirak edib. Qonaqlar sinif otaqlarında yaradılmış imkanlar və müasir qurğularla yaxından tanış olub. Kurs rəhbərliyi tərəfindən qonaqlara kursda keçirilən dərslər, tələbələrin sayı və istifadə olunan tədris vəsaitləri haqqında geniş məlumat verilib.

Qeyd edək ki, Azərbaycan Respublikasının Milli Qəhrəmanı Mübariz İbrahimov və Türkiyə Cümhuriyyətində 15 iyul dövlət çevrilişinə cəhd hadisələrində qəhrəmancasına şəhid olmuş Ömer Halis Demirin  adının əbədiləşdirilməsi və gənclərə vətənpərvərlik ruhunun aşılanması məqsədi ilə təmir olunmuş iki sinif otağına şəhidlərimizin adı verilmişdir. Təşkilatçıların bu təşəbbüsü qonaqlar tərəfindən yüksək qiymətləndirilmişdir.

Daha sonra qonaqlar fondun digər şöbələri ilə yaxından tanış olub və TİKA Bakı Koordinatorluğunun təşkilatçılığı ilə açılan iftar süfrəsində iştirak ediblər. İftar süfrəsində Azərbaycanın müxtəlif universitetlərində təhsil alan azərbaycanlı və türk tələbələr iştirak edib.  Tələbələrin qarşısında çıxış edən Gəncliyə Yardım Fondunun Prezidenti Ahmet Tecim  gənclərin qarşısında duran ən əsas vəzifələrindən birini xatırladaraq, onların gələcəkdə Azərbaycan və Türkiyə arasında dostluq, qardaşlıq və mədəni əlaqələrin gücləndirilməsində müstəsna rol oynayacaq bir mədəniyyət körpüsü olacaqlarına inandığını bildirib.

Daha sonra TİKA Orta Asiya və Qafqaz Bölgəsinin Başqanı Ali Özgün Öztürk və Milli QHT Forumunun prezidenti Rauf Zeyni çıxış edərək fondun fəaliyyətinə uğurlar arzulayıb və gənclərə öz tövsiyələrini veriblər.