Joomla Templates and Joomla Extensions by JoomlaVision.Com
banner
banner
banner
banner

Xəzər Universitetində Qafqaz İslam Ordusuna Həsr ‎Olunmuş Tədbir Keçirilib ‎

Xəzər Universitetində Bakının işğaldan azad olunmasının 100 illik yubileyinə həsr olunmuş tədbir ‎keçirilib.‎ Bu gün Yunus Əmrə İnstitutunun təşkilatçılığı ilə  keçirilən tədbirdə Xəzər universitetinin rektoru, Türkiyə və ‎Azərbaycan elm adamları,…
Davamını oxu...

YTB-nin Sədr Müavini Sayit Yusuf GYF-nin Qonağı Olub

Bu gün Azərbaycanda işgüzar səfərdə olan Yurtdışı Türkler ve ‎Akraba Topluluklar Başkanlığının (YTB) sədr müavini Sayit Yusuf və ‎Yurtdışı Türkler ve Akraba Topluluklar Başkanlığının Azərbaycan ‎üzrə koodinatoru Gürkan Polat Gəncliyə…
Davamını oxu...

Qazqaz İslam Ordusunun 100 İlliyi İlə Əlaqədar Elmi Praktiki ‎Konfrans Keçirilib

15.09.2018-ci tarixində Gəncliyə Yardım Fondunun Hacı Zeynalabdin Tağıyev adına konfrans zalında Azərbaycan Aydınlar Ocağının Türkiyə Anadolu Aydınlar Ocağı ilə birgə təşkil etdiyi "Qafqaz İslam Ordusu tərəfindən Bakının erməni bolşevik işğalından azad edilməsinin 100 illik…
Davamını oxu...

Azərbaycanda Şəhid Türk Əsgərinin Şərəfinə Abidə Ucaldıldı

Bu gün Qobustan rayonu Acıdərə türk şəhidliyində 1918-ci il sentyabrın 15-də Azərbaycanın Milli Ordusu və Qafqaz İslam Ordusu ilə birlikdə Bakını və digər qəzaların daşnak-bolşevik işğalından azad edilməsinin 100 illiyinə…
Davamını oxu...

‎ Azərbaycandan Qardaş Türkiyənin Afrin Əməliyyatına Dəstək:‎ ‎“Qardaşlığımız Əbədidir” Adlı Tədbir Keçirilib

Türkiyənin Afrində başlatdığı terrorla mübarizə hərəkatını dəstəkləmək və Azərbaycan-Türkiyə qardaşlığının əbədi olduğunu bəyan etmək üçün Azərbaycan QHT-ləri "Qardaşlığımız Əbədidir" devizi altında silsilə tədbirlər keçirmək məqsədilə təşkilat komitəsi yaradıb.

Bununla əlaqədar olaraq 17.02.2018-ci il tarixində Azərbaycanın qeyri-hökumət təşkilatlarının (QHT) təşəbbüsü ilə Türkiyə Silahlı Qüvvələrinin Suriyanın Afrin bölgəsində başladığı "Zeytun budağı" hərbi əməliyyatına dəstək məqsədilə "Qardaşlığımız əbədidir" adlı tədbir keçirilib. İştirakçılar tədbirdən əvvəl Şəhidlər Xiyabanı və Türk şəhidliyini ziyarət edərək əklil və gül dəstələri qoyublar.

Gəncliyə Yardım Fondunun Hacı Zeynalabdin Tağıyev adında konfrans zalında baş tutan tədbirdə Azərbaycan Respublikasının Dövlət Himni və Türkiyə Cumhuriyyətinin İstiqlal marşı ilə tədbir açıq elan edilib. Daha sonra Azərbaycan və Türkiyə qardaşlığından bəhs edən videorolik təqdim edilib.

Tədbiri giriş sözü ilə açıq elan edən təşkilat komitəsinin numayəndəsi Təxris Olunmuş Hərbiçilərin Gəncləri Maarifləndirmə İctimai Birliyinin Sədri Emin Həsənli Türkiyə Cümhuriyyətinin milli təhlükəsizliyinin və ərazi bütövlüyünün qorunması məqsədilə Türkiyə Silahlı Qüvvələri tərəfindən Suriyanın Afrin bölgəsinə “Zeytun Budağı” adlı hərəkatın Azərbaycan xalqı  tərəfindən dəstəklədiyini bildirib.

Daha sonra çıxış edən Türkiyə Məzunları İctimai Birliyinin sədri Çingiz Bayramov Türkiyə Azərbaycan qardaşlığının əbədi olmasından danışaraq heç bir şər qüvvənin bu qardaşlığa mane ola bilməyəcəyini vurğulayıb.

Tədbirə ev sahibliyi edən Gəncliyə Yardım Fondunun prezidenti  Ahmet Tecim Ulu öndər Heydər Əliyevin “İki dövlət, Bir millət” devizini xatırladıb və Türkiyə dövlətini bu haqlı davasında ilk dəstəkləyən dövlətin Azərbaycan Respublikası olduğunu qeyd edib.

Təşkilat Komitəsinin üzvlərindən olan Azərbaycan Gənc Alim, Aspirant və Magistrlar Cəmiyyətinin Sədri İlqar Orucov da çıxış edərək Türkiyənin ərazi bütövülüyünü qorumaqda tam haqlı olduğunu qeyd edib və həyata keçirdiyi əməliyyat tədbirlərində Türkiyənin yanında yer almağımızın təbii bir məsələ olduğu söyləyib.

Tədbirdə çıxış edən Dünya Gənc Türk Yazarlar Birliyinin sədri Əkbər Qoşalı Türkiyənin Afrində həyata keçirtdiyi terrorla mübarizə hərəkatını dəstəklədiyimizi, bundan sonra da lazım olan hər cür qardaş köməyinə hazır olduğumuzu vurğulayıb.

Tədbirin sonunda Müasir İnkişaf İctimai Birliyinin sədri Mübariz Göyüşlü tədbir iştirakçılarına qəbul olunmuş bəyanatı səsləndirib.

“Qardaşlığımız Əbədidir” tədbirində kütləvi informasiya vasitələrinin  nümayəndələri, aprel döyüşlərində iştirak etmiş qazilər, şəhid valideyinləri, qarabağ döyüşlərinin qaziləri və digər ictimaiyyət nümayəndələri iştirak edib.

Sonda tədbir iştirakçılarının bəyanatı Türkiyənin Azərbaycandakı Fövqəladə və Səlahiyyətli səfiri Erkan Özorala təşkilat komitəsinin nümayəndə heyəti tərəfindən Türkiyənin Azərbaycandaki Səfirliyində təqdim olunub.