Joomla Templates and Joomla Extensions by JoomlaVision.Com
banner
banner
banner
banner

GYF Sərhəd Bölgəsindəki İnsanlarımızı Unutmadı

Gəncliyə Yardım Fondu Tərtər rayonunda düşmənlə sərhəd ərazilərdə  yaşayan 500 ailəyə qida yardımı paylayıb. Fondun əməkdaşları ehtiyac sahibi ailələrin mənzillərini ziyarət edib və onlara Ramazan sovqatları çatdırıb. Rayon icra nümayəndələrinin…
Davamını oxu...

GYF Növbəti Bir Ailəni də Sevindiri

Gəncliyə Yardım Fondunun nümayəndə heyəti mübarək Ramazan ayı günlərində  Ağdaş şəhərində yaşayan hipodinsiv işemik insult xəstəsi olan yerimə əngəlli  Kərimov Əziz İsa oğlunu  yaşadığı ünvanda ziyarət edib.‎ Fond əməkdaşaları ehtiyac…
Davamını oxu...

Azərbaycan Qızıl Aypara Cəmiyyəti Gəncliyə Yardım Fonduna Təşəkkür Məktubu Ünvanlayıb

Azərbaycan Qızıl Aypara Cəmiyyətinin prezidenti, millət vəkili Novruz Aslanov tərəfindən ünvanlanan məktubda Gəncliyə Yardım Fondunun karantin dövründə tənha və kimsəsiz ahıllara yardım məqsədi ilə həyata keçirdiyi xeyriyyə kampaniyasına görə fond…
Davamını oxu...

GYF Aziz Mahmud Hüdayi Vəqfi ilə Birlikdə 1000-dən Artıq Ailəyə Ramazan Sovqatı Paylayıb

Gəncliyə Yardım Fondu Türkiyənin Aziz Mahmud Hüdayi Vəqfinin dəstəyi ilə mübarək Ramazan ayının başlaması və korona virusun səbəb olduğu karantin günlərində 65 yaşından yuxarı ehtiyac sahibi ailələrə qıda paketi yardımları…
Davamını oxu...

Bakıda möhtəşəm fikir gecəsi... -

     Türkiyəli məşhur roman ustası İskəndər Pala Azərbaycanlı oxucuları ilə görüşdü
     Sentyabrın 17-də Bakıda Rəşid Behbudov adına Dövlət Mahnı Teatrında “İskəndər Pala ilə ədəbi-fəlsəfi fikir gecəsi” keçirilib. “Avrasiya Beynəlxalq Araşdırmalar İnstitutu” İctimai Birliyinin (ABAİ İB) dəvəti ilə Azərbaycanda səfərdə olan qardaş ölkə yazıçısının iştirakı ilə keçirilən görüşdən öncə "Avrasiya Beynəlxalq Araşdırmalar İnstitutu" İB-nin layihəsi çərçivəsində İskəndər Palanın Azərbaycan dilinə uyğunlaşdırılaraq yenicə çapdan çıxmış “OD” romanının satışı həyata keçirilib.

     Qeyd edək ki, “OD” romanının satışından əldə edilən vəsait xeyriyyə məqsədi ilə Azərbaycan Qızıl Aypara Cəmiyyətinin xətti ilə Təbriz və ətrafında baş vermiş son dağıdıcı zəlzələdən zərər görmüş soydaşlarımıza göndəriləcək. 
     Gecədə açılış nitqi söyləyən ABAİ İB sədri, millət vəkili Qənirə Paşayeva öncə İskəndər Pala şəxsiyyəti və yaradıcılığı, onun Azərbaycana səfər proqramı, proqram çərçivəsində həyata keçirilmiş və keçiriləcək görüşlər, tədbirlər barədə ətraflı bilgi verib. Qənirə Paşayeva diqqəti onun Türk dünyasının böyük övladı Yunis Əmrədən bəhs edən “OD” romanı və romanın Azərbaycanda işıq üzü görməsi, bu işin gərəkçəsinə yönəldib.
     Çıxışına Azərbaycanda, Bakıda olmaqdan dərin məmnunluq keçirdiyini ifadə etməklə başlayan İskəndər Pala öz yaradıcılıq kredosu, özü üçün müəyyənləşdirdiyi ədəbi-fəlsəfi məntiqi barədə danışıb. Müraciət etdiyi mövzuları işləməmişdən öncə dərindən öyrəndiyi, sonra qələmə sarıldığı və əsəri ilkin variantda bitirdikdən sonra da qəhrəmanlarının yaşadıqları, mübarizə apardıqları, vuruşduqları kilid məntəqələrdə olmağa üstünlük verdiyini bildirən yazıçı, sevgi, eşq, yaşam biçimi kimi qavramlar üzərinə fikirlərini bölüşərək, Bakıda işıq üzü görən əsərlərinin, eləcə də digər bədii və elmi əsərlərinin meydana çıxma səbəbləri haqqında danışıb, bir türk aydını olaraq ehtiyac duyduğu məqamlardan söz açıb. 
     Sonra gecə fikir mübadiləsi və sual-cavab şəklində davam edib. Akademik Vaqif Abbasov, İ.Pala yaradıcılığının mahir bilicisi Əsgər Rəsulov, yazıçı-tərcüməçi Nəriman Əbdülrəhmanlı, Türkiyənin Azərbaycandakı Böyükelçiliyinin müşavirləri öz fikir və mülahizələrini bölüşdükdən sonra tələbə-gənclər, digər çoxsaylı oxucular onları maraqlandıran suallarla yazıçıya müraciət edib, istək və arzularını dilə gətiriblər. 
     Sonda “OD”un imzalanma mərasimi olub, oxucular ünlü yazıçı ilə xatirə şəkilləri çəkdiriblər.