|
|
|
|
|
Yazan Administrator 21.06.17 13:39
20.06.2017-ci il tarixində Gəncliyə Yardım Fondunun konfrans zalında fond tərəfindən təşkil olunmuş şəhid və qazi ailələrinə iftar süfrəsi açılıb. İftar programında şəhid ailələri ilə birlikdə tələbələr və imkansız ailələr də iştirak edib. Program Müqəddəs Qurani-Kərimdən ayələrin tilavəti ilə başlayıb. Gəncliyə Yardım Fondunun Prezidenti Ahmet Tecim mübarək Ramazan ayında belə bir iftar süfrəsi ətrafında olduğu üçün öz məmnunluğunu bildirib və tezlkilə işğal altında olan Qarabağ torpaqlarında iftar süfrələrinin açılmasını Uca Allahdan təmənni edib.
15.06.17 15:25 ərzində olan dəyişikliklər Yazan Administrator 15.06.17 15:10
14.06.2017-ci il tarixində Gəncliyə Yardım Fondunda QHT-sədr və nümayəndələri üçün iftar süfrəsi açılıb. Tədbirdə 140-dan artıq QHT nümayəndəsi iştirak edib. Tədbir müqəddəs Qurani-Kərimdən ayələrin tilavəti ilə başlayıb. Gəncliyə Yardım Fondunun Prezidenti Ahmet Tecim qonaqları salamlayaraq Ramazan ayı münasibətilə hər kəsi təbrik edib. O öz çıxışında bu gözəl günlərin dostlar arasındakı münasibətlərin günclənməsinə vəsilə olacağına inandığını vurğulayıb. Ahmet Tecim eyni zamanda həmin gün Prezident İlham Əliyevin Cocuq Mərcanlı kəndindəki yenidən qurma işləri ilə yaxından tanış olması, tarixi Şuşa məscidinin memarlıq üslubunda inşa edilən məscidin açılışında iştirak etməsi də bu gözəl ayda müsəlmanlar üçün böyük bir sevinc və tarixi Azərbaycan torpaqları olan Qarabağ torpaqlarına qayıdışın nişanələridir deyə qeyd edib.
Yazan Administrator 14.06.17 12:34
Gəncliyə Yardım Fondu hər il olduğu kimi bu il də mübarək Ramazan ayı boyunca ehtiyac sahibi ailələri unutmadı. Ramazan ayının əvvəlindən etibarən fonda müraciət etmiş və nəzarət-təftiş komissiyasının təsdiqlədiyi ailələr bir-bir ünvanlarında ziyarət edilərək ərzaq paketi yardımı təqdim edilir. Bu xeyriyyə işində əsas məqsəd mübarək Ramazan ayında ehtiyac sahibi ailələri ziyarət etmək, onların ehtiyaclarını qarşılamaq və bu ayı bayram sevinci içərisində yaşamalarına vəsilə olmaqdır. Bununla birlikdə hər gün fondun H.Z. Tağıyev adına konfrans zalında 200 nəfər üçün iftar süfrəsi açılır və bu iftar süfrələrində cəmiyyətin müxtəlif təbəqələrindən olan insanlar iştirak edir.
01.06.17 13:47 ərzində olan dəyişikliklər Yazan Administrator 01.06.17 00:00
Hər il ənənəvi olaraq Ramazan ayının əvvəlindən sonunadək Gəncliyə Yardım Fondunun konfrans zalında təşkil edilən iftar proqramları bu il də davam edir. Gündəlik 300 nəfər üçün hazırlanan iftar süfrələrində cəmiyyətin müxtəlif təbəqələrindən olan insanlar iştirak edir və Ramazan ayının sevincini birlikdə yaşayırlar. Bununla birlikdə Ramazan ayı boyunca imkansız ailələrə, şəhid ailələrinə, qaçqın və məcburi köçkünlərə iftar süfrələri açılacaq və Ramazan bayramına 3 gün qalmışa qədər davam edəcəkdir.
18.05.17 11:44 ərzində olan dəyişikliklər Yazan Administrator 18.05.17 11:33
17 May 2017-ci il tarixində Gəncliyə Yardım Fondunun əməkdaşları Yasamal rayonunda sağlamlıq imkanı məhdudiyyəti olan Həsənov Fuad İbrahim oğlunu ziyarət edib. Ziyarət zamanı sağlamlıq imkanı məhdud olan Həsənov Fuada Gəncliyə Yardım Fondu tərəfindən əlil arabası təqdim olunub. Ailə üzvüləri o cümlədən əlilin anası Həsənova Südabə Gəncliyə Yardım Fonduna göstərdiyi diqqət və qayğıya görə öz minnətdarlığını bildirib.
Səhifə 4 > 16-dəan