1915-ci ildə Bakıda Anadolu Türkünün Qurtuluş mübarizəsinə dəstək vermək məqsədiylə Bakı Müsəlman Xeyriyyə Cəmiyyəti liderliyində “Qardaş Köməyi (Yardımı)” fəaliyyəti başlamışdır. Bu təşkilatın 1917-ci ildə “Qardaş Köməyi” jurnalını nəşr etmə təşəbbüsü nəticəsində Anadolunun qurtuluş müharibəsinə dəstək məqsədiylə Bakıda minlərlə şəxs toplanmış, toplanan bu insanlar pullarını, qızıllarını və ailələrinin ziynət əşyalarını Anadoluya çatdırmaq üçün adı zikr olunan təşkilata vermişdilər.
Qardaşlıq hissələrinin Azərbaycan-Türkiyə hətta türk dünyası üçün əhəmiyyətini və təsirini hər zaman canlı tutmaq və gələcək nəsillərə çatdırmaq üçün Türk Əməkdaşlıq və Koordinasyon Ajansı Başkanlığının (TİKA) və Gəncliyə Yardım Fondu’nun təşkilatçılığında “Keçmişdən Günümüzə Azərbaycan və Türkiyədə Xeyriyyəçilik Ənənəsi QARDAŞ KÖMƏYİ” adlı bir layihəni reallaşdırmaq qərarına gəlmişdir. Layihə çərçivəsində, adı çəkilən jurnal transliterasiya edilmiş, Türkiyə türkcəsinə uyğunlaşdırılmış və daha sonra nəşr olunmuşdur.
Simpoziumu Dillər Univərsitetinin Rektoru Millət vəkili Prof. Dr. Səməd Seyidov açıq elan edərək təşkilatçılara simpoziumun işində uğurlar arzuladı. Daha sonra təşkilat komitəsi adından çıxış edən Millət vəkili Prof. Dr. Nizami Cəfərov görülən işlərin əhəmiyyətindən danışdı. Türkiyəli Millət vəkili Haluk İpək, Prezident admnistrasiyası İctimai-siyasi şöbənin məsul işçisi Rasim Mirzəyev, Türkiyənin Azərbaycandakı Fövqaladə və Səlahiyyətli səfiri İsmail Alper Coşkun, TİKA Başqanı Dr. Serdar Çam, Azərbaycan Respublikası QHT Dəstək Fondu Başqan Yardımçısı Fərasət Qurbanov və Xalq Yazıçısı Anar öz çıxışlarında iki qardaş dövlət arasındakı qardaşlıq münasibətlərinin əbədi olacağından danışdılar.
Bu səbəblə baş tutan simpoziumda çıxış edən Prof. Dr. Cahid BALTACI Türk İslam Dünyasında Xeyriyyəçilik, Prof. Dr. Firdövsiyyə ƏHMƏDOVA Türk Dünyasında Örnək Bir Xeyriyyəçi Kimi Zenyəlabidin Tağıyev, Prof. Dr. Betül ASLAN Bakı Müsəlman Xeyriyyə Cəmiyyəti və Qardaş Köməyi, Dr. Əhməd NİYAZOV Azərbaycanda Vəqflər (Dünəni, Bugünü və Sabahı), Prof. Dr. Minəxanım NURİYEVA Tariximizdə Azərbaycan Qadınlarının Xeyriyyəçilik Fəaliyyətləri, Mazhar BİLGİN Türkiyədəki Qeyri Hökumət Təşkilatları və Onların Beynəlxalq Fəaliyyətləri, Dr. Alican TATLI Mədəniyyət Tariximizdə Xeyriyyəçilik adlı mövzularla qonaqlara geniş məlumat vermişdilər.
Eyni zamanda simpoziumdan əsas məqsəd yetişməkdə olan gənc nəsilə iki qardaş dövlət arasındakı qardaşlıq əlaqələrinin tarixi həqiqətlərini çatdırmaq və keçmişdən günümüzə xeyriyyəçilik ənənələrinin mahiyyətini izah etməkdir. Eyni zamanda biz inanırıq ki xeyriyyəçiliyin təbliği sahəsində atılan bu addım bugünki xeyirsevər həmvətənlərimizin də uğurlu fəaliyyətlərində stimul yaradacaqdır. Bununla belə adı keçən bu layihə Türkiyə ilə dərin tarixi, mədəni, din və dil əlaqələri olan Azərbaycanla yaxın dövrdə də bu bağların güclənməsində tarixən var olan qardaşlıq və dostluq hisslərinin daha da möhkəmləşməsinə ciddi bir dəstək olacaqdır.
Mətbuat şöbəsi
