16.09.2013-cü il tarixində Gəncliyə Yardım Fondunun H.Z. Tağıyev adına konfrans zalında təşkil edilən nahar yeməyində T.C. Böyük Millət Məclisinin üzvü Sinan Oğan, Türkiyə Aydınlar Ocağının başqanı İbrahim Öztek, Bakının erməni işğalından azad edilməsində müstəsna xidmətləri olan Kazım Karabekir Paşanın qızı Timsal xanım, TADEF başqanı, sabiq Millət vəkili Aziz Kaygusuz, “Uluslararası Azərbaycan Mədəniyyət Dil Tarix Kültür Araşdırmalar mərkəzinin sədri Seyfettin Ayakyay, habelə daha 8 nəfər hörmətli qonaq iştirak etmişdir. Türkiyədən gəlmiş qonaqlar və Millət vəkili, professor Musa Qasımlı Gəncliyə Yardım Fondunun qonağı olub.
“Xocalı Soyqırımını Tanıtma” İctimai Birliyinin dəvətilə Bakıda keçirilən “Qafqaz İslam ordusu” nun Bakının bolşevik-daşnak işğalından azad etməsinin 95-ci ildönümünə həsr olunmuş tədbirdə iştirak etmək üçün gələn qonaqlar fondun fəaliyyəti ilə yaxından tanış olublar.
Fondun kollektivi ilə görüşən qonaqlara günü gündən inkişaf edən Azərbaycan haqqında geniş məlumat verilib.
Yemək süfərsi ərtafında davam edən görüşdə Fondun həyata keçirdiyi fəaliyyətləri özündə əks etdirən video-rolik nümayiş etdirilb. Gəncliyə Yardım Fondunun prezidenti qonaqlara Qarabağ həqiqətləri haqqında geniş məlumat verib.
Qonaqlar Gəncliyə Yardım Fondunun bütün kollektivinə bu uğurlu fəaliyyətlərinə görə öz təşəkkürlərini bildirdilər və Gəncliyə Yardım Fonduun həyata keçirdiyi layihələrin iki dövlət arasındakı qardaşlıq əlaqələrinin daha da inkişafındakı əhəmiyyətindən danışdılar.
Görüşün sonunda qonaqlara qarşılıqlı hədiyyələr o cümlədən “Qarabağ: Suallar və Faktlar” və “Qardaş Köməyi” kimi milli-mənəvi dəyərlərimizi özündə əks etdirən kitablar təqdim edilib və xatirə şəkilləri çəkilib.
