“20 Yanvar faciəsi xalqımızın qəhrəmanlıq salnaməsidir” mövzusunda inşa müsabiqəsinin qalibləri mükafatlandırıldı.
Bu gün Gəncliyə Yardım Fondu və Bakı şəhər Gənclər və İdman Baş İdarəsi tərəfindən 20 yanvar faciəsinin 26-ci ildönümünə həsr olunmuş mərasimlə bağlı konfrans və Bakı şəhər orta ümumtəhsil məktəblərinin şagirdləri arasında “20 yanvar xalqımızın qəhrəmanlıq səlnaməsidir” mövzusunda inşa yazı müsabiqəsinin mükafatlandırma mərasimi keçirilib.
Gəncliyə Yardım Fondunun və Bakı Şəhər Gənclər və İdman Baş İdarəsinin, təşkilatçılığı ilə keçirilən tədbirdə əvvəlcə iştirakçılar 1990-cı ilin Qara Yanvar qurbanlarının xatirəsini yad etdilər. Sonra qanlı Yanvar faciəsindən bəhs edən videoçarx nümayiş olundu. Gəncliyə Yardım Fondunda həyata keçirilən tədbir 20 yanvar facisəninin 26-cı ildönümünün yad edilməsi, gənc nəslin nümayəndələrinə vətənə sevgi hisslərinin aşılanması, onlar arsında milli vətənpərvərlik ruhunun və Azərbaycan tarixinin təbliğ olunması, istedadlı şagirdlərin inşa yazı sahəsində öz yaradıcılıqlarını nümayiş etdirmək üçün şəraitin yaradılması məqsədilə baş tutub.
Tədbirdə çıxış edən Gəncliyə Yardım Fondunun Himayəçilər Şurasının Sədri Ahmet Tecim tədbir iştirakçılarına şəhidlik fəlsəfəsindən danışıb.
“Bizi bu gün burada bir araya gətirən ortaq dəyərlərimiz, ortaq hisslərimiz və şəhidlərin ruhuna olan hörmətimizdir. Şəhidlərimizin ruhu şad, məkanları cənnət olsun. Şəhid olmaq demək ölmək demək deyil canını vətən yolunda qurban verərək ölməzliyə qovuşmaq deməkdir.
Ürəklərində vətən sevgisi olan şəhidlərimiz vətənin müstəqilliyi uğrunda 26 il öncə öz canlarından keçiblər. 20 yanvar günü Azərbaycanın və bütün Türk dünyasının hüzün günü olmaqla yanaşı həm də qəhrəmanlıq günüdür” deyə o, bildirib.
Prrezident Administrasiyası İctimai-siyasi məsələlər şöbəsinin məsul işçisi Rahu Qurbanova isə öz çıxışında dövlət rəhbərliyinin 20 yanvar şəhid ailələrinə qayğısından danışıb.
Tədbirdə çıxış edən Millət Vəkili Xanhüseyn Kazımlı gənclərə vətənpərvər olmağı və hər zaman vətəni sevməyi tövsiyyə edib.
Millət vəkili Qənirə Paşayeva isə öz çıxışında məktəblilərə yaxşı oxuyaraq, xalqa millətə faydalı insan olaraq vətənə layiqli övlad olacaqlarını bildirib.
Bakı şəhər Gənclər və İdman Baş İdarəsinin rəisi Raqif Abbasov məktəblilərə savadlı, vətənpərvər olmağı tövsiyyə edib.
“Dövlət gənclər siyasətinə böyük önəm verir. Dövlətin qüvvəsinin əsas məmbəyi insan kapitalıdır. Bütün məktəblilərə savadlı öz vətənini sevən bir gənc kimi yetişməyi tövsiyyə edirəm”.
O, çıxışında müsabiqədə iştirak edən məktəbliləri təbrik edib və gələcək həyatlarında onlara uğurlar arzulayıb.
20 Yanvar Fondunun sədri Şövqü Bünyadzadə öz çıxışında vətən yolunda canından keçmiş şəhidlərin heç zaman unudulmayacağını vurğulayıb.
“Vətən uğrunda canından keçmiş şəhidlərin ruhu hər zaman yad ediləcək. Hər birimizə vətən üçün böyük işlər görmək nəsib olsun”.
Tədbirdə çıxış edən Gənclər və İdman Nazirliyinin sector müdiri Əli Məmmədov öz çıxışında iki qardaş dövlətin tarix boyu bütün çətin anlarda bir-birinin yanında olmasından və bu gündən sonra da bu birlikdəliyin davamlı olacağından danışıb.
Sonra mövzu ilə bağlı ümumtəhsil məktəblərinin yuxarı sinif şagirdləri arasında keçirilən inşa müsabiqəsinin qalibləri mükafatlandırıldılar.
Müsabiqədə müvafiq olaraq fərqlənmiş səkkiz nəfər və birinci, ikinci və üçüncü yerləri tutmuş Suraxanl rayonu 76 saylı orta məktəbin şagirdi Həsənova Esmira, Qaradağ rayonu 139 saylı məktəbin şagirdi Rəhimov Ülvi və Xəzər rayonu 206 saylı məktəbin şagirdi Gülsəfa Adıgözəlova təşkilatçılar tərəfindən müvafiq dərəcəli diplomlar, pul mükafatları və xatirə hədiyyələri təqdim edilmişdir.
