10.10.2017-ci il tarixidndə Millət Vəkilləri Sona Əliyeva və Ülviyyə Ağayevanın təşkilatçılığı və Gəncliyə Yardım Fondunun aztəminatlı ailələrə yardım layihəsi çərçivəsində Gəncə, Şəmkir və Tovuz rayonlarından olan üç fiziki qüsurlu şəxsə əlil arabası təqdim olunub. Gəncliyə Yardım Fondunun vitse-prezidenti Salman Əliyevin və Millət vəkili Sona Əliyevanın şəxsən iştirakı ilə serebral xəstəliyindən əziyyət çəkən Gəncə şəhərindən olan Məmmədov Yasin Vüsal oğluna və Şəmkir şəhər Dəllər kəndinin sakini Əliyev İsmayıl Niyaməddin oğluna əlil arabaları ünvanında təqdim olunub. Gəncliyə Yardım Fondunun fəaliyyətini yüksək dəyərləndirən Millət Vəkili Sona Əliyeva bu cür xeyriyyə işlərinə görə fond rəhbərliyinə dərin minnətdarlığını bildirib.
İkinci qrup əlil Tovuz rayon sakini Namazova İradə Tapdıq qızına da Gəncliyə Yardım Fondunun əməkdaşları tərəfindən əlil arabası təqdim olunub. Ehtiyyac sahibləri də eyni zamandan bu cür xeyriyyə işlərini yüksək qiymətləndirərək təşəkkürlərini bildiriblər.
