Sosial Fəaliyyətlər Türk Dünyası İqtisad Fakültəsinin Dekanı Prof. Dr. Mehmet Yüce Gəncliyə Yardım Fondunu...

Türk Dünyası İqtisad Fakültəsinin Dekanı Prof. Dr. Mehmet Yüce Gəncliyə Yardım Fondunu Ziyarət Edib

45

Bu gün Azərbaycan Dövlət İqtisad Universiteti Türk Dünyası İqtisad Fakültəsinin dekanı Prof. Dr. Mehmet Yüce Gəncliyə Yardım Fondunu ziyarət edib. Ziyarət əsnasında qonaq Gəncliyə Yardım Fondunun ‎prezidenti Ahmet Tecim və idarə heyətinin nümayəndələri ilə görüşüb.

Görüşdə Gəncliyə Yardım Fondunun ‎prezidenti Ahmet Tecim qonağa fondun xeyriyyə fəaliyyətləri ‎haqqında geniş məlumat verib. Cənab Ahmet Tecim bildirib ki, qurulduğu ‎gündən bu günə qədər Gəncliyə Yardım Fondu, həyata keçirdiyi ‎humanitar yardım, təhsil və sosial fəaliyyətləri ilə iki qardaş ölkə ‎arasındakı qardaşlıq münasibətlərinin daha da möhkəmləndirilməsinə ‎xidmət edir. ‎

Türk Dünyası İqtisad Fakültəsinin dekanı Prof. Dr. Mehmet Yüce də öz növbəsində Fond rəhbərliyinə bu cür ‎xeyriyyə tədbirlərini həyata keçirdiklərinə və gənclər üçün yaradılmış yüksək imkanlara görə dərin minnətdarlığını ‎bildirərək, fəaliyyətlərini yüksək qiymətləndirib və gələcək işlərində ‎uğurlar arzulayıb.‎

Qeyd edək ki, artıq 3 ildir Azərbaycanda fəalliyyət göstərən Prof. Dr. Mehmet Yüce bəyin bu günlərdə səlahiyyət müddəti bitir. Bu münasibətlə Fond rəhbərliyi Prof. Dr. Mehmet Yüce bəyə Azərbaycandakı uğurlu xidmətlərinə görə təşəkkür edib və gələcək fəaliyyətlərində uğurlar arzulayıb.

Görüşün sonunda qonağa xatirə ‎hədiyyəsi təqdim edilib və fotolar çəkilib.‎