Gəncliyə Yardım Fondunun prezidenti Ahmet Tecim və idarə heyətinin nümayəndələri Türkiyə Cümhuriyyətinin Azərbaycana yeni təyin olunmuş çalışma və sosial güvənlik müşaviri Prof. Dr. Muhammet Fatih Bilal Alodalı bəyi ziyarət ediblər.
Ahmet Tecim ziyarət əsnasında Fondun fəaliyyətləri, görülən işlər, həyata keçirilməsi nəzərdə tutulan layihələr haqqında ətraflı məlumat verib və Muhammet Fatih bəyə Azərbaycandakı fəaliyyətində müvəffəqiyyətlər arzulayıb.
Gəncliyə Yardım Fondunun Azərbaycandakı fəaliyyətlərini yüksək qiymətləndirən Muhammet Fatih bəy də Ahmet Tecim və nümayəndə heyətinə ziyarətlərindən dolayı dərin təşəkkürünü bildirib, fəaliyyətlərində uğurlar arzu edib.
