Sentyabrın 25-də Türkiyənin Konya şəhərindən “Ana Yurddan Ata Yurda Zəfər Səfəri” şüarı ilə Azərbaycanda səfərdə olan “Ana Yurddan Ata Yurda Könül Körpüsü” platformasının üzvləri Gəncliyə Yardım Fondunun qonağı olublar.
Gəncliyə Yardım Fondunun prezidenti Ahmet Tecim qonaqlara Fondun xeyriyyə fəaliyyətləri haqqında ətraflı məlumat verib. Cənab Ahmet Tecim bildirib ki, qurulduğu gündən bu günə qədər Gəncliyə Yardım Fondu həyata keçirdiyi humanitar yardım, təhsil və sosial fəaliyyətləri ilə iki qardaş ölkə arasındakı qardaşlıq münasibətlərinin daha da möhkəmləndirilməsinə xidmət edir. Daha sonra Fondun fəaliyyəti haqqında qısa video təqdim olunub.
Qonaqlar da öz növbələrində bu cür xeyriyyə tədbirlərini həyata keçirdiklərinə, Türkiyə-Azərbaycan mübasibətlərinə öz töhfələrini verdiklərinə və gənclər üçün yaradılmış yüksək imkanlara görə Fond rəhbərliyinə dərin minnətdarlığını bildirib.
Sonda qarşılıqlı xatirə hədiyyələri təqdim edilib.
