Joomla Templates and Joomla Extensions by JoomlaVision.Com
banner
banner
banner
banner

Türkiyənin Məşhur Yazıçıları GYF-də Gənclərlə Görüşüb

24.04.2018-ci il tarixində “Kitab tutan balaca əllər” layihəsi çərçivəsində Azərbaycanda səfərdə olan bir qrup Türkiyəli yazar Gəncliyə Yardım Fondunun qonağı olub. Qonaqlar Gəncliyə Yardım Fondunun Hacı Zeynalabdin Tağıyev adına konfrans…
Davamını oxu...

‎“Kitab Tutan Balaca Əllər” Layihəsi Çərçivəsində ‎‎3 min Şagirdə 9 Adda Kitab Hədiyyə Edilib ‎

Azərbaycan və Türkiyənin ortaq tarixi və mədəni dəyərlərinin yaşadılması və iki ölkə arasındakı mədəni əlaqələrin əsasını təşkil edən dahi şəxsiyyətlərin gələcək nəsillərə çatdırılması məqsədilə “Kitab tutan balaca əllər” layihəsi həyata…
Davamını oxu...

Azərbaycanlıların Soyqırımı və Dağlıq Qarabağ Həqiqətləri Avropa İctimaiyyətinə ‎Çatdırılıb

Azərbaycan Respublikasının Prezidenti yanında  Qeyri-Hökumət Təşkilatlarına Dövlət Dəstəyi Şurasının dəstəyi ilə Gəncliyə Yardım Fondu tərəfindən “Azərbaycanlıların soyqırımı və Dağlıq Qarabağ həqiqətlərinin Avropa ictimaiyyətinə çatdırılması” layihəsi çərçivəsində 22 aprel 2018-ci il…
Davamını oxu...

Azərbaycanlıların Soyqırımı və Dağlıq Qarabağ Həqiqətləri Avropa İctimaiyyətinə ‎Çatdırılacaq

Azərbaycan Respublikasının Prezidenti yanında  Qeyri-Hökumət Təşkilatlarına Dövlət Dəstəyi Şurasının dəstəyi ilə Gəncliyə Yardım Fondu “Azərbaycanlıların soyqırımı və Dağlıq Qarabağ həqiqətlərinin Avropa ictimaiyyətinə çatdırılması” layihəsi çərçivəsində 22 aprel 2018-ci il tarixində…
Davamını oxu...

Gənclər Fondu Milli Qurtuluş Gününə Həsr Edilmiş Tədbir Keçirib

Heydər Əliyev Mərkəzində Azərbaycan Respublikasının Prezidenti yanında Gənclər Fondunun təşkilatçılığı ilə 15 İyun - Milli Qurtuluş Gününə həsr edilmiş tədbir keçirilib.

Tədbirdə gənclər və idman naziri Azad Rəhimov, Prezident Administrasiyası Gənclər siyasəti və idman məsələləri şöbəsinin müdiri, birinci vitse-prezidentin köməkçisi Yusuf Məmmədəliyev, Prezident Administrasiyası İctimai-siyasi şöbəsinin müdir müavini Tahir Süleymanov, Milli Məclisin deputatı, Milli Məclisin Gənclər və İdman komitəsinin sədri Fuad Muradov, Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev, Gəncliyə Yardım Fondunun prezidenti Ahmet tecim, millət vəkilləri, gənclər təşkilatlarının təmsilçiləri iştirak ediblər.

Prezident yanında Gənclər Fondunun icraçı direktoru Fərhad Hacıyev çıxışında deyib ki, əgər 15 iyun 1993-cü ildə Heydər Əliyev xalqın tələbi ilə ikinci dəfə hakimiyyətə gəlməsəydi, Azərbaycanı 1920-ci il 28 aprel fəlakətindən daha böyük fəlakət gözləyirdi: "Əgər 1920-ci ildə biz Zəngəzuru, Göyçəni itirdiksə, bu dəfə bütün Azərbaycanı itirəcəkdik. Vətəndaş müharibəsi, xaos, separatizm və siyasi böhranla qarşılaşan Azərbaycan xalqı yeganə çıxış yolunu məhz böyük vətənpərvər, siyasətçi, xalqını, millətini sevən Heydər Əliyevdə gördü. Müasir müstəqil Azərbaycan Heydər Əliyevin siyasəti nəticəsində dünyanın sürətlə inkişaf edən ölkələrindən birinə çevrilib. Heydər Əliyevin irsi daim yaşayacaq. Əgər biz varıqsa, bu ölkə varsa, Heydər Əliyev də olacaq”.

Gənclər və idman naziri Azad Rəhimov Heydər Əliyev tərəfindən əsası qoyulan gənclər siyasətinin prezident İlham Əliyev tərəfindən uğurla davam etdirildiyini söyləyib: “Azərbaycan idman sahəsində böyük uğurlar qazanıb, medallarımızın sayı hər il artır. Azərbaycanda keçirilən Birinci Avropa Oyunları və IV İslam Həmrəyliyi Oyunlarının təşkilat komitələrinə birinci vitse-prezident Mehriban Əliyeva rəhbərlik edib, bu mötəbər idman yarışları uğurla keçirilib. Ölkədə gənclər siyasəti uğurla davam etməkdədir. Hər il bu istiqamətdə yüzlərlə layihə həyata keçirilir. Ölkədə 300-dən artıq gənclər təşkilatları fəaliyyət göstərir. Gənclər Fondunun bu istiqamətdə fəallığını vurğulamaq istərdim. Uğurlarımızın əsası Mili Qurtuluş Günü ilə qoyulub və gənclərimiz bunu bilməlidirlər”.

Prezident Administrasiyası Gənclər siyasəti və idman məsələləri şöbəsinin müdiri, birinci vitse-prezidentin köməkçisi Yusuf Məmmədəliyev bildirib ki, Heydər Əliyev tərəfindən gənclərə diqqət və qayğı prezident İlham Əliyev tərəfindən uğurla davam etdirilir.

Prezident Administrasiyası İctimai-siyasi şöbəsinin müdir müavini Tahir Süleymanov 1990-cı illərdə Azərbaycanda xaos hökm sürdüyünü xatırladıb: "Azərbaycan parçalanmaq, yox olmaq ərəfəsində idi. Heydər Əliyevin hakimiyyətə gəlməsi ilə Azərbaycan bu təhlükələrdən xilas oldu. Heydər Əliyev 1993-cü ildən 2003-cü ilə qədər gənclərlə 43 dəfə görüşüb, 20-yə qədər sərəncam, fərman imzalanıb. Bu siyasət prezident İlham Əliyev tərəfindən uğurla davam etdirilir. Heç bir ölkədə Prezident Administrasiyasında Gənclər siyasəti və idman məsələləri şöbəsi yoxdur. Bu, gənclər siyasətinə diqqətin təzahürüdür".

Milli Məclisin Gənclər və İdman komitəsinin sədri Fuad Muradov gənclər siyasəti sahəsində görülən işlərdən bəhs edib: "Bu gün Azərbaycanda idman sahəsində görülən işlər heç bir ölkədə həyata keçirilmir. Bu, Azərbaycanın inkişafı və uğurları ilə bağlıdır".

Tədbir çıxışlarla davam edib.