Tərxis Olunmuş Hərbçilərin Gəncləri Maarifləndirmə İctimai Birliyi və Azərbaycan Əfqanıstan Veteranları İctimai Birliyinin dəvəti ilə Türkiyə Əməkli Subaylar Dərnəyinin, Türkiyə Müharib Qazilər Dərnəyinin, Türkiye Harp Malülü Gaziler ve Şehit Yakınları Dərnəyinin, Kıbrıs Türk Mukavemet Teşkilatının rəhbər heyəti və üzvlərindən ibarət nümayəndə heyəti Bakının işğaldan azad olunmasının 101 illiyi münasibətilə keçiriləcək tədbirlərə qatılmaq üçün Azərbaycana səfərə gəlib.
Azərbaycanda bir çox rəsmi qurumlarda görüşləri təşkil edilən nümayəndə heyəti eyni zamanda Gəncliyə Yardım Fondunun prezidenti Ahmet Tecimlə də görüşüblər. Görüşdə qonaqlara fondun fəaliyyətləri haqqında geniş məlumat verilib və hərbi-vətənpərvərlik mövzusunda keçirilən tədbirlərdən danışılıb.
Türkiyə Əməkli Subaylar Dərnəyinin genel başkanı general-leytenant Namık Kemal Çalışkan, Türkiye Harp Malülü Gaziler ve Şehit yakınları Derneyi genel başkanı Mustafa İşık, Kıbrıs Mükavemet Teşkilatının Kurucularından general-leytenant Cumhur Evcil, Türkiye Müharip Gaziler Derneyinin Teşkilat başkanı Selahattin Gürbıyık, Anadolu Aydınlar Ocağının genel başkanı İbrahim Öztek Gəncliyə Yardım Fondunun təşkilatçılığı ilə həyata keçirilən tədbirdə iştirak edərək universitetlərə yüksək balla qəbul olunmuş Xocalı məktəblilərinə fondun təxsis etdiyi təşəkkürnamələri təqdim edib onlara ürək sözlərini çatdırıblar.
Sonda qonaqlar GYF rəhbərliyinə öz xatirə hədiyyələrini təqdim edib və yüksək qonaqpərvərlik üçün öz təşəkkürlərini bildiriblər.
