Sosial Fəaliyyətlər GYF-də “Gənclik və Dünyada Könüllülük Fəaliyyəti” Adlı Beynəlxalq Konfrans Keçirilib

GYF-də “Gənclik və Dünyada Könüllülük Fəaliyyəti” Adlı Beynəlxalq Konfrans Keçirilib

4

Bu gün Gəncliyə Yardım Fondunda “Gənclik və Dünyada Könüllülük Fəaliyyəti” ilə bağlı beynəlxalq  tədbir keçirilib. Müxtəlif dövlətlərin könüllülk fəaliyyətində yaxından iştirak edən gənclər öz təcrübələrini bölüşüblər. 

Azərbaycanda könüllülük fəaliyyəti haqqında geniş məlumat verən Azərbaycan Dövlət İqtisad  Universitetinin tələbəsi Elmir İsazadə bu sahədə görülən işlərdən danışıb. O, Azərbaycan tarixində könüllülük və xeyriyyəçilik fəaliyyətinin əsasını qoyanlardan biri olan Hacı Zeynalabdin Tağıyevin timsalında bu sahədə çalışan insanlar haqqında geniş məlumat verib.

Daha sonra Türkiyə dövlətindən olan Azərbaycan Tibb Universitetinin tələbəsi Taha Alkoç könüllülük fəaliyyətinin əhəmiyyətindən bəhs edib və təmsil etdiyi ölkədə tətbiq edilən könüllülük kampaniyaları haqqında məlumat verib. Tiblisi Dövlət Universitetinin tələbəsi Qadir Süleymanlı isə Gürcüstandakı könüllülük fəaliyyətləri haqqında danışıb.

Son olaraq Gəncliyə Yardım Fondunun prezidenti Ahmet Tecim gələcəyimiz olan gənclərin şüurlu şəkildə könüllülük fəaliyyətinə qoşulmasının təqdirə layiq bir hadisə olduğunu qeyd edib.  Bakı-Tbilisi-Ceyhan və Bakı-Tbilisi-Qars layihələrinin bu üç dövlətin insanları arasındakı iqtisadi əlaqələrin gücləndirilməsinə xidmət etdiyi kimi Bakı-Tbilisi-İstanbul arasında insanları mənəvi birləşdirəcək “Könül Yolu”nun olması da sevindirici haldır deyən Ahmet Tecim 2020-ci ilin Azərbaycanda Azərbaycan Respublikasının prezidenti cənab İlham Əliyevin təşəbbüsü ilə Könüllülük İli olaraq qeyd edilməsinin əhəmiyyətindən danışıb və rəhbərlik etdiyi qurumun da bu sahədə bir çox uğurlu fəaliyyətlərə imza atdığını vurğulayıb.