Gəncliyə Yardım Fondu, Milli Qeyri-Hökümət Təşkilatları Forumunun VIII Qurultayında Vətəndaş Cəmiyyətinin İnkişafında göstərdiyi xidmətlərinə görə fəxri fərmanla təltif edilib. Fəxri fərman Forumun sədri Rauf Zeyni tərəfindən Gəncliyə Yardım Fondunun vitse-prezidenti Salman Əliyevə təqdim edilib.
Qeyd edək ki, bu gün Milli Qeyri-Hökümət Təşkilatları Forumunun sıralarında 601 QHT birləşir. Eyni zamanda Forum tək ölkə daxilində deyil, beynəlxalq səviyyədə də tanınır və bir çox mühüm beynəlxalq platformaların üzvüdür.
