Keçmişin İzində Gələcəyə Yürüyən Gənclik layihəsinin ikinci hissəsinə start verilib.
Layihəsi çərçivəsində Azərbaycandan Türkiyəyə səfər edən gənclər öz səfərlərinə Ankaradan başlayıblar.
Layihə iştirakçıları əvvəlcə T.C. Nazirlər Kabineti və Qohum Topluluklar Komitəsini (YTB) ziyarət ediblər. Tələbələri Komitənin Mədəniyyət və Sosial Əlaqələr üzrə Şöbə müdiri Murat Gürbüz qarşılayıb. M.Gürbüz tələbə gənclərə təmsil etdiyi komitənin fəaliyyəti və Azərbaycan-Türkiyə münasibətləri haqqında məlumat verib.
Tələbələr də öz növbələrində onlara göstərilən diqqətə görə təşəkkür ediblər. Görüşün sonunda qarşılıqlı olaraq xatirə hədiyyələri təqdim edilib və xatirə şəkilləri çəkilib.
Günün ikinci yarısında tələbələr, Anklarada bir çox tarixi yerləri ziyarət edib və geniş məlumat toplayıblar.
Qeyd edək ki, bu fəaliyyətlər T.C. Nazirlər Kabineti və Qohum Topluluklar Komitəsinin (YTB) dəstəyi, Türkiyənin Beynəlxalq Gənc Dərnəyi, Könüllü Gənclər İctimai Birliyi və Gəncliyə Yardım Fondunun təşkilatçılığı ilə həyata keçirilən, Keçmişin İzində Gələcəyə Yürüyən Gənclik layihəsi çərçivəsində həyata keçirilir.
