Gəncliyə Yardım Fondunun və Bakı şəhər Gənclər və İdman Baş İdarəsi birgə təşkilatçılığı ilə Gəncliyə Yardım Fondunda “9 noyabr Azərbaycan Dövlət Bayrağı günü”-nə həsr olunmuş konfrans və Bakı şəhər orta ümumtəhsil məktəblərinin şagirdləri arasında “Mənim Bayrağım” mövzusunda inşa yazı və şeir müsabiqəsinin mükafatlandırılma mərasimi keçirilib.
Tədbirdə Gəncliyə Yardım Fondunun prezidenti Ahmet Tecim, Bakı şəhər Gənclər və İdman Baş İdarəsinin rəisi Raqif Abbasov, Türkiyənin Azərbaycandakı səfirliyinin mətbuat müşaviri Hamit Karadəniz , Aprel döyüşlərinin qazisi Natiq Mehdiyev, KİV və ictimaiyyət nümayəndələri iştirak edib.
Tədbirdə Azərbaycan Respublikasının Dövlət Himni və Türkiyə Cumhuriyyətinin İsiqlal marşı oxunub.
Tədbirdə qeyd olunub ki, məktəblilərin bu mövzuya həvəs göstərməsi və yüzlərlə şagirdin müsabiqəyə qatılması Azərbaycanda yüksək mənəvi keyfiyyətlərə malik gəncliyin yetişdiyinin bariz nümunəsidir. Bayraq gününün əhəmiyyəti hər birimiz üçün hiss edilməlidir, bu müsabiqədə iştirak edən məktəblilərin hər birisi qalibdir və bu kimi müsabiqələr məktəblilərin intellektual səviyyələrinin artırılmasına xidmət edir və gələcəkdə elmli gənclərin fomalaşmasına zəmin yaradır. Dövlət Bayrağı ən böyük mənəvi dəyər, müstəqilliyimizin, Azərbaycançılığımızın rəmzidir. Azərbaycanda dövlət bayrağımızı işğal altında olan Dağlıq Qarabağ torpaqlarında ucaldacaq gənclik yetişib və gənclərimiz hər an buna hazır oldunduğu qeyd olunub.
Daha sonra mükafatlandırma mərasimi keçirilib. İlk olaraq “Mənim Bayrağım” mövzusunda keçirilən şeir müsabiqəsində I yer tutmuş Nərimanov Rayon 207 saylı orta məktəbin şagirdi Rzazadə Nadir və Xətai rayon 204 saylı orta məktəbin şagirdi Məmmədli Mədinə, II yer tutmuş Xətai rayon 287 saylı orta məktəbin şagirdi Rzazadə Əbülfəz və Binəqədi rayon 179 saylı orta məktəbin şagirdi Nəsibzadə Ayxan və III yeri tutmuş Binəqədi rayon 102 saylı orta məktəbin şagirdi Həsənli Cəlal və Sabunçu rayon 215 saylı orta məktəbin şagirdi Həsənzadə Əliş mükafatlandırılıb. Daha sonra “Mənim Bayrağım” mövzusunda keçirilən inşa yazı müsabiqəsinin I yer tutmuş Xətai rayon humanitar fənlər liseyinin şagirdi Hacıyeva Gülçin, II yer tutmuş İbrahimova Nərmin və III yeri tutmuş Xəzər rayon 149 saylı orta məktəbin şagirdi Əlizadə Səmraya mükafatı təqdim olunub.
Bundan başqa digər fərqlənmiş iştirakçılara Gəncliyə Yardım Fondu və Bakı şəhər Gənclər və İdman Baş İdarəsinin tərəfindən müvafiq dərəcəli diplomları, xatirə hədiyyələri və pul mükafatı təqdim olunub.
