Gəncliyə Yardım Fondunda Mirvarid Dilbazi Poeziya Məclisi İctimai Birliyinin təşkilatçılığı ilə 44 günlük Vətən Müharibəsi şəhidi Elfaq Nağıyevin anım günü keçirilib. Tədbirdə şəhid Elaq Nağıyevin ailəsi, qohum və dostları, Sabunçu və Səbail rayin İcra Hakimiyyətinin nümayəndələri, QHT rəhbərləri, şəhid anaları və yaxınları iştirak edib.
Vətən müharibəsi şəhidlərinin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib. Daha sonra açıq elan edilən tədbirdə şəhidin keçdiyi döyüş yolu barədə çıxışlar baş tutub, videolar nümayiş etdirilib.
Qeyd edək ki, şəhid Elfaq Nğıyev Füzuli, Zəngilan, Cəbrayıl, Qubadlı, Hadrut əraziləri və bir sıra strateji yüksəkliklərin işğaldan azad edilməsi uğrunda gedən döyüşlərdə öz qəhrəmanlığı ilə seçilib və Hadrut qəsəbəsinə bayraq sancan əsgərlərdən biri olub. Oktyabrın 21-də Xocavənd rayonu ərazisində gedən döyüşlərdə şəhid olub. Cənab Prezident İlham Əliyev tərəfindən ölümündən sonra “Vətən uğrunda”, “İgidliyə görə”, “Cəbrayılın azad olunmasına görə”, “Füzulinin azad olunmasına görə”, “Xocavəndin azad olunmasına görə” medalları və III dərəcəli “Vətənə xidmətə görə” ordeni ilə təltif edilib.
